SACHI'S POV
Saktong alas dyes nga ng umaga ay agad kaming sinundo ng ilang gwardya upang ihatid sa may gate ng academy. Nandoon na rin daw si Director Montero upang bilinan kami ng ilang dapat naming tandaan. Hindi na lumabas pa si Lyca sa kaniyang kwarto ngunit sabi naman sa akin ni Monica ay kinausap ma rin niya ito. Ayaw lang daw talaga ng prinsesa na makita kaming sabay sabay na umalis.
"Magiging maayos naman siya, ano?" bulong ko kay Monica habang naglalakad kami. Ang tinutukoy ko ay si Lyca dahil hanggang ngayon ay medyo nakokonsensya pa rin ako dahil siya lamang ang naiwan mag-isa sa dorm.
"Oo naman. Naalala mo ba noong misyon namin ang paghahanap sa 'yo? Hindi ba't naiwan din siya noon. Sumama rin ang loob niya noong paalis kami ngunit naging maayos din naman siya," sagot naman
