Napanguso ako ng mahuli kung masama ang tingin sa akin ni Diego. Kanina pa kasi kami sinisermonan ni Nanay Caring. Si Tatay Teban naman ay tahimik lang din pero abala maghasa ng itak niya. Hindi ko alam kung iitakin niya ba kami o hinahanda niya lang iyon kapag bumalik ang kaaway namin. Mayaman pala kasi ito dito sa bayan nila at mayabang din kaya pala ganoon umasta.
Katabi ko si Mavy habang nasa tapat naman namin si Diego at Openg.
Simula ng manggaling kami kanina sa barangay ay hindi na tumigil si Nanay kakasalita. Para na kaming nag church sa dami ng sermon niya na hindi na matapos. Kahit si Tatay Teban ay nagagalit din sa dalawang anak niya lalo na kay Diego. Mabuti nalang at wala dito si Bonifacio baka kasali din iyon sa masisirmonan ngayon.
“Ano, Diego Miguel? Matanda kana pero
