ALAS nueve ng gabi.
Sa isang partikular na eskinita sa Central District sa Hong Kong natagpuan ni Eleri ang kanyang sarili. Inalalayan siyang bumaba ni Kenichi mula sa kotseng inupahan nito para sa trip nilang iyon sa siyudad.
Tiningala niya ang Club 101 na nakasulat sa itaas ng malapad na pintuan. Nakasulat iyon sa maliwanag ay may kakapalan na ilaw.
“Master Kenichi.” Sinalubong sila ng may-ari ng gusali at inuman, isa itong lokal, Mr. Shen ang pangalan.
“Where is Hiroshi?” tanong ni Kenichi rito.
“He’s inside. He’s expecting you.”
Hindi sumagot ang lalaki na nagpatuloy sa pagpasok sa loob ng bar. Nakaangkla ang braso ni Eleri sa braso nito habang nakapamulsa ang kamay. Kenichi was wearing a dark suit. Mayroon din itong kulay pink na sunglasses na halos tabingan lang ang sukat n
