SA ISANG eleganteng silid nagmulat ng mata si Eleri. Nahihilo pa siya at umiikot pa ang kanyang paningin sa kasalukuyan. Dumagdag pa ang liwanag na nagmumula sa labas ng bintana kaya nasapo niya ang kanyang noo para maiwasan na masilaw rito.
Nasaan ako?
Ramdam niya ang kakaibang lamig na dumadaloy sa kanyang ugat. Inalala niya ang naganap nang nagdaang gabi.
Bigla ang kanyang pagbalikwas ng bangon matapos maisip ang huling naganap kagabi. Nagpaalam lang siya kay Niko na tutungo sa palikuran dahil tila siya masusukang muli. Sinamahan naman siya ng lalaki at naghiwalay sila nito sa pintuan ng women’s room.
Sumuka siya noon sa lababo na nakaramdam ng hilo. Nang iangat niya ang mukha sa salamin sa tapat ay isang malaking lalaki ang bumungad sa kanya sa repleksiyon nito. Pagkatapos niyon
