TINUNGO ni Mateo ang direksiyon ng telepono kung saan ito nakalagay. Ang tahanan na iyon ay pag-aari ng isang lokal na sa kasalukuyan ay naroon sa kanilang bansa.
“Pronto, (ready,)” sagot ni Mateo sa telepono. Alam naman niya na ang kanyang abuelo ang nasa kabilang linya.
“Mateo, ibalik mo ang babaeng si Eleri kay Kenichi. Nahihibang ka na ba para magkaroon ng interesado sa hindi naman importante. Hindi ba’t hindi naman ang babaeng iyan ang dahilan ng pagpunta mo rito?” wika ng kanyang abuelo sa kanilang lengguwahe.
“Nag-e-enjoy pa ako na makasama si Eleri. Nasabi ko na, hindi ba? Nais ko ang isang araw niya. Nag-aagahan pa kaming dalawa, iniistorbo mo ang oras namin.”
“Mateo!”
“Tsk! Ibabalik ko rin siya ngayong araw. Natutuwa lang ako na makasama pa siya.”
“Ibalik mo siya ngayon
