NAGTUNGO si Kenichi at Eleri sa buffet area ng hotel. May mga bilog na mesa roon. Nababalot sa gintong tela ang mga mesa at silya. Pula naman na may mga detalye ng Chinese characters ang mga haligi.
Natagpuan nila roon si Master Takayama na kasama ang ilan sa pinagkakatiwalaan sa grupo nito.
“Sofu!” bati ni Kenichi sa lolo nito.
Nag-bow din si Eleri para magbigay ng galang sa may-edad na lalaki. Napalunok siya dahil hanggang sa mga oras na iyon ay natatakot pa rin siya sa presensiya nito. Tanging ito lang ang nakasuot ng simpleng puting pang-itaas habang ang mga kasama nito ay naka-dark suit.
Mukhang simple ang lalaki, ngunit alam niya na ito ang pinakamabagsik sa lahat ng taong naroon sa kasalukuyan.
“You look okay now, Eleri-san. How are you?” tanong nito sa kanya na nananatilin
