“MASTER KENICHI, nand’yan sa labas ang inyong lolo,” bungad sa kanya ng kanyang tauhan sa wikang Hapon.
Alam niya ang dahilan ng ipinunta ng kanyang lolo sa kanyang silid. Siguradong kukuwestiyunin siya ng matanda tungkol sa balitang ipinakalap niya sa siyudad.
Inabot na kasi siya ng tanghali at naiinip na siya dahil walang makapagsabi kung nasaan si Mateo at Eleri sa kasalukuyan. Masyadong mabagal ang pagkalap ng impormasyon at naiinip na si Kenichi. Kailangan niya nang patungan ng malaking halaga ang lahat.
Naghanap na siya ng mga tutulong at nagpadala na rin siya ng telegrama sa kung sino-sinong lider ng grupo na nakabase roon sa Hong Kong. Ibibigay niya ang siyudad ng Yokohama kapalit ni Eleri at sa kung sino ang gaganti kay Mateo para sa kanya sa loob ng limang oras oras.
“Pap
