NEW YORK, AMERIKA
Pagod na pagod ang katawan ni Eleri sa napakahabang biyahe nila ni Kenichi. Unang beses niyang magtungo sa napakalayong bansang iyon. Nahirapan sila sa immigration process sa airport. Gayunman ay may personal silang imbitasyon mula sa mga kumpanya ng nasabing bansa kaya sila nakalusot. Idagdag pa na sinabi nila na may plano silang magbakasyon sa iba’t ibang lugar.
Bukod kasi sa Amerika, tutungo sila ng Brazil, Italy at saka ng Hong Kong para sa huling destinasyon.
Nauna sa kanila ang dalawang kasamahan ni Kenichi sa siyudad. Susunod ang dalawa pa para hindi sila mapaghinalaan sa gagawin nila sa ibang bansang iyon.
Sa isang hotel sila tumuloy.
“Pwedeng kang matulog na muna. Mamaya na kita aabalahin,” wika nito.
Tumango lang siya. Tinungo naman ng lalaki ang telepo
