-MONICA EUNICE-
Sabado na ngayon at kasalukuyan akong nagbibihis dahil kailangan kong pumunta sa coffee shop. Simpleng black shirt, pants, and rubber shoes ang sinuot ko dahil magpipintura pa kami mamaya pagkasara ng shop. Madudumihan lang ako. Nagdala na rin ako ng ekstrang damit na pamalit.
Pagkatapos kong magbihis ay kinuha ko na ang bag ko saka bumaba. Naabutan kong handa na si Liezel at nilalaro na lang niya si Mat-mat. Tutulungan niya raw akong magpintura ng office.
"Best, hinahanap na naman ni Mat-mat ang papa niya. Magtatatlong araw na siyang papa ng papa. Hindi mo ba puwedeng pakiusapan si Miller na pumunta rito kahit saglit lang?" tanong ni Liezel pagkalapit sa akin.
"Sa totoo lang ay okay lang talaga kay Vincent. Sa akin lang hindi. Ayokong masanay si Mat-mat kay Vincent
