-MONICA EUNICE-
Sabay-sabay kaming lumabas ng condo ni Vincent at sabay-sabay din kaming bumalik sa school. Pagpasok namin sa klasroom ay nakita naming wala pa ang susunod na teacher. Napansin din namin na wala si Stephanie. Mukhang hindi rin siya nakapasok sa unang klase.
Nang dumating ang teacher namin ay wala na siyang sinayang na oras at agad na itong nagturo. Seryoso naman kaming nakikinig pero may ilan naman na pasimpleng natutulog. Mga pasaway parang ako noong unang pasok ko rito. Pinigilan kong mapangiti at nakinig ulit sa teacher namin. Nang matapos ang klase ay nag-announce sa amin si Mrs. Rivera.
"Puwede na kayong umuwi dahil absent si Mr. Leo ngayong araw. Gawin na lang ninyo ang feasibility study ninyo. Huwag na kayong gumala pa! Malapit na naman ang Christmas break dahil
