-MONICA EUNICE-
Maaga akong gumising ngayong araw para madala ko agad ang mga gagamitin sa pagpipinta. Nakita kong gising na si Mat-mat at nilalaro ang mga unan niya. Nilapitan ko siya kaya napatingin siya sa akin.
"Mama!" wika niya bago nilahad sa akin ang dalawa niyang kamay. Binuhat ko siya at hinalikan sa pisngi.
"I miss you, My Baby!"
"Ay miss yo, Mama!" wika niya bago ako niyakap.
"I love you!"
"Ay yab yo!"
Naglakad na ako pababa ng hagdan at naabutan ko si Liezel sa sala.
"Liezel, gusto ko sanang alagaan saglit si Mat-mat. Susunod na lang ako roon. Pakitawagan si Dan para masundo ka. May motor iyon para hindi ka na mahirapan sa pagdadala ng mga pinamili natin kahapon," wika ko sa kaniya.
"Sige! Sige! Ako na ang bahala sa kanila!" wika niya bago kinuha ang phone. Hinay
