ELLYZA
Nang makalabas na rin kami mula sa restaurant na iyon ay sinamahan lang kami ni Jeremiah sa paglilibot sa iba pang pwedeng puntahan malapit sa mga condominium. Tinuro na rin niyang nasa kabila ang kanilang mga kwarto dahil nakahiwalay raw ang lahat ng kababaihan sa mga kalalakihan, maliban na lang kung nasa labas naman sila ng condo magkasama. Nakatutuwa lang isipin na kahit hindi pa naman ako opisyal na estudyante rito sa school nila ay feel na feel ko na ang pagka-welcome nila sa akin. Marami na rin akong nakasalamuha na mukhang mababait naman ang mga ugali, ngunit hindi ko naman natanong ang kani-kanilang mga pangalan. Medyo malabo sigurong magkasalubong pa uli kami kung ganito karami ang mga estudyante. Hapon na ngayon at medyo natatakpan na ng mga ulap ang araw kaya’t hindi na
