Binitbit ko ang overnight bag at inilapag iyon sa pasilyo, malapit sa tabi ng pinto sa sala. Kagabi pa lang ay inayos ko na ang lahat ng gamit na dadalhin ko. Pumunta ako sa sala, binuksan ang telebisyon at nanood habang hinihintay ang pagdating ni Kuya.
Mayamaya ay narinig ko ang tunog ng sasakyan niya. Tumayo ako nang marinig ko ang mga yabag niya. May ngiting nakapagkit sa labi ko nang salubungin ko siya na naglahong bigla nang mapagsino ko kung sino ang nakasunod sa likod niya. Si Oscar! Anong ginagawa ng lalaking iyon dito?
Nanlamig ang kamay ko, napagtanto ko kasing kasama siya sa lakad namin! Gusto kong sabunutan si Kuya sa tindi ng inis ko. 'Di man lang niya binanggit na may kayag-kayag siyang asungot!
Masama ang hilatsa ng mukhang hinarap ko si Kuya, pero parang balewala lang s
