[Claire's POV ]
Alas dose na ng gabi nang marinig ko ang pagbusina ng sasakyan ni Liam. Agad akong sumilip sa bintana at natanaw ko na nga ito sa garahe.
Maya-maya pa ay bumaba na si Liam mula rito na may dalang plastic bag. Pinaghalong excitement at inis ang nararamdaman ko ngayon. Excitement dahil andito na rin sa wakas ang pinakahihintay kong bayabas, at inis dahil ang tagal dumating ni Liam. Kanina pa ako naghihintay sa kanya.
Naupo ako sa kama habang nakaharap sa pinto. Makalipas ang ilang minutong paghihintay ay bumukas na ang pintuan at iniluwa nito si Liam na mukhang pagod na pagod. Humihikab pa ito habang naglalakad palapit sa'kin.
"Pinahugasan ko na kay Abby ang mga bayabas, dadalhin niya nalang 'yon dito," pagod na wika nito. Agad itong nahiga sa kama at pumikit.
"Bakit si
