Ehra
Nang gumaling ako mula sa sakit ay balik trabaho muli ako sa mansyon. Ilang araw ding nanatili sa isla si Leon. At kagaya ng inaasahan ko ay palaging nakadikit si Missy sa lalaking bumihag din ng puso ko.
Tiniis ko ang lahat ng sakit sa tuwing makikita ko silang naglalambingan. Hindi ko alam ang namamagitan sa kanila ngunit sa tingin ko ay masaya sila tuwing magkasama.
Kitang-kita ko sa mga mata ni Leon ang labis na kaligayahan at gayun din ang babae sa kanya. Siguro nga ay wala pang bumihag sa puso ni Leon kundi si Missy lang. Ito lang ang babaeng minahal nya mula pa noon.
Halos lumubog ako sa lupa sa tuwing pinagsisilbihan ko sila habang sila ay kumakain ng agahan, pananghalian at hanggang sa hapunan. Isang buong araw ko silang nakikitang magkasama at isang buong araw ding
