Ehra
Isang buong magdamag na akong nanatili sa bodegang ito at kagaya ng mga utos ni Charmaine ay hindi nga nila ako binigyan ng pagkain. Wala silang pakialam kung ikamatay ko ang pananatili ko sa lugar na ito.
Nararamdaman ko pa rin ang paghilab ng aking tiyan dahil mula pa kaninang umaga ay wala pang laman ito. Nakaramdam ako ng matinding awa sa batang nasa aking sinapupunan. Pati sya ay nakakaranas ng kalupitan na dapat ay ako lang ang sumasalo.
Pati sya na walang kamalay-malay ay sinisingil na agad ng Diyos sa lahat ng naging kasalanan ng kanyang ina.
Nakaupo ako sa sahig at kinakapos ako ng hangin habang nakasandal sa pader. Nakasapo lang ako sa aking sinapupunan. Matinding kirot ang nararamdaman pa rin ng aking tiyan dahil sa ginawang pagsuntok sa akin ni Charmaine. Ngunit
