"What's your name?" pagtatanong ni Kuya Leo kay Brayden na nakasimangot pa rin hanggang ngayon.
Lalo lang din tuloy nahulas ang blanko niyang expression. Mas lumamig ang awra ng mukha niya. Hindi ko ba alam kung bakit parang ang laki ng galit niya sa mundo. We're trying to be nice to him alright.
"Why do you need to know my name?" untag ni Brayden sa buong boses, malamig din at hindi hamak na nakakakilabot.
"Marunong ka bang magtagalog? Kasi I'm bad at english," patuloy pa ring pang-aamo ni Kita sa bata. "Grade two lang ang natapos ko."
Tumawa si Kuya, pero napaismid lang sa kaniya si Brayden dahilan para kaagad din siyang tumigil sa kabaliwan niya.
Marahas na bumuntong hininga si Brayden. "No. English only."
Napanguso ako nang makita ang pagsuko ni Kuya dahil sa narinig. Nasa loob n
