Nagtuluy-tuloy pa rin ang laro habang hindi naman ako mapakali sa kinauupuan ko. Hindi ko na magawang makapag-concentrate at inisip ko na lamang iyong sinabi ni Brandon. Grabe talaga ang lalaking 'to!
Hindi na ako nakasabay sa tawanan nila. Hindi ko na rin nasundan pa ang nangyayari. Bukod doon ay sumasakit na rin ang pantog ko, kaya saglit akong nagpaalam sa kanila. Sinundan naman ako ng tingin ni Brandon.
Isang kaway ang ginawa ko, hudyat na babalik ako at saka dumeretso na ng pasok sa bahay. Sa sala ay naroon pa sina Mama at Papa na nag-uusap, kasama ng kanilang amiga at amigo na nanggaling pa sa mga malalayong lugar. Mukhang dito na rin muna magpapalipas ng gabi.
"Iyan na pala si Shantal, ano? Sobra naman iyong iginanda niya noong huling kita namin? Aba at parang kahapon lang ay hig
