Tumungo siya sa rooftop para magpahangin. Puno ng bituin ang kalangitan. Habang pinagmamasdan niya ang mga iyon ay mas lalo lamang siyang binalot ng sobrang lungkot hanggang sa napaiyak na naman siya nang maalala niya ang mga nangyari. Hindi niya alam kung bakit laging ipinagkakait sa kaniya ang kasiyahan.
Napalingon siya nang biglang lumapit sa kaniya si Amaury. Kaagad niyang pinahid ang mga luha niya dahil nahihiya siyang makita iyon ng binata. Hindi niya alam kung ano ang sadya nito sa kaniya dahil lumapit ito sa maya tabi niya.
"Sabi nila, kapag pinagmasdan mo raw ang mga bituin sa gabi ay magbibigay ito ng ngiti sa mga labi pero ang hindi nila alam, maghahatid ito ng labis na lungkot," bulalas ni Amaury.
Ano ba ang nangyayari sa kaniya? Oo, tama 'yong sinabi niya pero tinatanong
