Lj Legson
"Brad, ilang araw ka nang hindi masyadong nakakain simula nang maaksidente si Emay," may pag-aalalang sabi ni Rich. Hindi ko na lang ito pinansin. Muli akong tumingin sa transparent wall glass ng ICU, kung saan nakahiga si Emay. Hanggang ngayon, wala pa rin siyang malay.
"Bro, binilhan kita ng kape. Higupin mo habang mainit pa," abot ni Vhiel ng kape sa plastik na cup.
Okay na kami ni Vhiel ngayon. Alam kong may tampo pa siya, pero hindi na niya inuungkat ang mga nangyari.
"Kasalanan ko ito," nakayuko kong saad sa dalawa.
"Bro, kailangan mo nang umalis. Papunta na dito si Tita Pia. Alam mo namang ayaw ka niyang makita rito," hinawakan ako ni Vhiel sa braso at pilit na pinapatayo.
"No, I'll stay here. Gusto ko, andito ako kapag nagising siya. Gusto kong humingi ng sorry sa l
