Lj Legson
"LJ, please! Buksan mo ang pinto!"
Patuloy ang malalakas na katok mula sa labas, kasabay ng panginginig ng aking mga kamay. Hindi ko na maintindihan ang sarili ko. Parang sasabog ang dibdib ko sa bigat ng mga rebelasyong nalaman ko ngayong gabi.
Ang buong buhay ko, nabuhay ako sa kasinungalingan. Pinaniwalaan kong ako ang anak ng pamilya Legson, pero hindi pala. Ako si Lara Jane Villanueva—isang batang inabandona at iniwan sa lansangan.
At si Emay… siya pala ang totoong anak nila.
Si Emay, na walang ibang ginawa kundi protektahan ako. Si Emay, na sa kabila ng lahat ng masasakit na sinabi ko, pinili pa ring ipaglaban ang kumpanyang dapat ay kanya naman talaga.
Si Emay, na halos mamatay para sa akin.
Muli akong napatingin sa mga bubog ng basag na salamin sa sahig. Tumitibok
