AKALA mo ay isang anghel na bumaba si Eloisa mula sa langit habang unti-unti siyang ibinababa gamit ang isang matibay na lubid at harness sa kaniyang beywang. May malaki siyang pakpak na nakabuka na kulay ginto. Pagkababa niya sa bilog kung saan siya nakatakdang bumaba ay mabilis na inalis ng limang lalaki ang harness niya at naglakad na siya papunta sa stage kung saan naroon si Arthur.
Ang sarap ng pakiramdam niya habang namamanghang nakatingin ang lahat ng tao sa kaniya. Manghang-mangha ang mga ito at meron pang literal na napanganga. Ganoon pala ang pakiramdam kapag marami ang humahanga sa iyo.
Nagpakilala na si Eloisa bilang Elisa Alcantara. Bago niya hubarin ang kaniyang maskara ay kinakabahan na rin siya. Alam niya kasi na naroon sina Lorraine, Daisy at Theo at makikita na ng mga i
