Paggising ko kinabukasan ay halos hindi ko abutin ang banyo. Patakbo ko itong tinungo dahil parang hinahalukay ang sikmura ko at sobrang naglalaway ako at nasusuka. Inilabas ko lahat ng kinain ko kahapon. At kahit wala na akong maisuka ay parang kumikiwal pa rin ang sikmura ko. Para akong lantang gulay na pawis na pawis at lumuluha matapos sumuka nang sumuka.
Palagay ko ay mayroon akong hindi magandang nakain kahapon kaya ako nagkakaganito ngayon. Naghilamos ako at naghugas ng kamay bago lumabas. Muli akong nahiga at pumikit para kalmahin ang matinding pagkahilong nararamdaman ko. Hindi na rin naman ako nakatulog kaya bandang alas-siyete ay lumabas na rin ako para mag-almusal. Pakiramdam ko ay gutom na gutom ako pagkatapos ng nangyari kanina.
Ngunit hindi pa man ako tuluyang nakapapasok
