Napagkasunduan naming lahat na hinding-hindi na babanggitin pa ang pangalan ni Sander kahit kailan kaya kahit papaano ay naging maayos at masaya ang dinner. Nagpumilit ang nanay ni Marie na bukas na lang kami umuwi dahil talagang na-miss daw niya si Kristine. Ayaw ko namang maging selfish kaya pinagbigyan ko na lang din.
Bago ako natulog ay tinawagan ko si daddy. Ipinaalam ko sa kaniya ang lahat at sinabi rin niya sa aking hanggang ngayon daw ay wala pa ring alam si mommy sa nangyari. Mas Mabuti pa nga sigurong huwag na lamang niyang malaman kung sakali.
Kinabukasan ay wala na’ng anumang balita o bakas man lang ng eskandalo tungkol sa akin. Hindi ko alam kung paano nilang nagawang mabura ang lahat kahit ang mga nasa social media platforms at websites. Pero ang malaking balitang pinagkaka
