"Aaaargggh!"
Malakas at galit na galit na sigaw ni Valarie habang ibinabato ang mga gamit na kaya niyang maibato sa pader pagkatapos na mabasa ang mga nilalamang balita sa dyaryo. Dahil lahat ng iyon ay tungkol sa pagtatakda ng kasal nina Prinsipe Beau at Agatha.
Nakalimutan na kasi ng lahat na siya dapat ang unang pakakasalan ng prinsipe. Nabaon na sa limot na may isang dalaga na katulad niya na hindi sinipot sa kanilang araw ng kasal at napahiya sa buong kaharian.
Hindi niya alam kung dapat matuwa ba siya na nakalimutan na ang nakakahiyang pangyayari iyon sa kanya.
"Ako ang dapat maikasal kay Prinsipe Beau! Hindi ang babaeng iyon!" naggagalaiti pa niyang hiyaw, "Ano ba ang espesyal sa kanya? Isa lang naman siyang hamak na commoner at walang espesyal na kakayahan! Wala nga man lang
