NAGING matamlay si Fiona sa mga sumunod na araw na mapag-alaman nitong ikakasal na si Jayden. Kahit naisip na niya noon ang bagay na iyon sa tagal niyang nawala. Na mapunta si Jayden sa iba. Pero sobrang sakit pala kapag harap-harapan mo iyong malalaman. Na may ibang babae na ang nakakapag pasaya sa mahal mo na dati ay ikaw lang ang nakakagawa.
Habang palapit nang palapit ang araw ng kasal nito ay lalo siyang nanghihina. Gusto na lamang niyang mag-backout sa kasal at kakapalan ang mukha na hihingi ng tulong sa pamilya ni Jayden. Para hindi na siya magpakasal sa matandang magsasalba sa kumpanya nila. Kung hindi lang niya mahal ang pamilya niya ay hindi niya ito gagawin. Dahil kahit limang taon na ang nakakalipas ay umaasa pa rin siyang maging sila ni Jayden.
Umaasa pa rin ito na tuparin
