Kacelyn Samiano
Paulit-ulit kong pinagmasdan ang aking sarili sa harapan ng salamin. At kahit kanina pa ako nakamasid sa salamin ay manghang-mangha pa rin ako sa kakaiba at magandang ayos ko ngayong gabi.
Pinaghalong kaba at excitement ang nararamdaman ko ngayon. Nanlalamig ang magkabilang palad ko at walang tigil sa pagkabog ng malakas at mabilis ang dibdib ko. Para na itong hihiwalay sa loob ko. Lalo pa nang muli kong sulyapan ang cellphone kong may huling mensahe ni Brylle.
From: Brylle
Oras na lang at makakasama na kita. Mahahawakan at mayayakap na rin kita sa wakas. I'm on my way to you, my princess. Baka hindi na po ako makapag-reply dahil sa byahe. See you in a bit ♡
Matamis akong napangiti nang muli ko iyong mabasa. Tatlumpung minuto na rin ang lumipas mula nang magsabi si Bry
