Kacelyn Samiano
Nagising ako dahil sa sinag ng araw na direktang tumatama sa aking mukha. Marahan kong iminulat ang mga mata ko at mabilis ding ipinikit nang masilaw ako sa haring araw na bumungad sa akin. Naubo ako at pagkuwan ay marahan kong ikinilos ang aking katawan patagilid. Saka ko naramdaman ang malambot na buhangin na siyang hinihigaan ko. Iminulat kong muli ang aking mga mata at marahan na iginala ito sa paligid.
Nasaan ako?
Anong nangyari sa akin?
Muli akong naubo at tila ba parang binugbog sa pagod ang buong katawan ko. Bahagya akong kumilos at itinuon ang siko ko patagilid upang makabangon at makaupo. Nanlalabo pa ang aking paningin pero marahan ko na itong iginila ulit sa paligid ko.
Nagulat ako nang makita sa harapan ko ang isang napakalawak na tubig ng dagat. Sunod-sun
