KABANATA 27
Ilang sandaling lakaran, napahinto ako nang makaramdam ng gutom. Leche talaga. Sana pala kumain na lang muna ako sa bahay nina Gene bago tumulak papunta rito. Inisip ko pa kasing baka hinihintay na ako ng ungas na iyon. And I wanted to make a good impression on the first day of our lessons. Iyon pala magdo-drawing lang siya. Dinoor-zoned pa ako noong kapatid niya.
Hindi ko inalintana iyong hilab ng aking tiyan at pinagmasdan na lang muna ang kapaligiran. Sinulyapan ko iyong dojo nina Kyo. Napagtanto kong malayo-layo na rin pala ang aking nilakad nang nagmistulang maliit na bahay na lang iyon mula rito.
Itinukod ko ang dalawa kong kamay sa aking mga tuhod. Ramdam ko ang panghihina ng mga ito. Dinungaw ko ang aking pang lalakarin bago marating iyong back gate ng farm. Hindi na
