“Venice, may kontak ka ba kay Quinn?” tanong ko sa kapatid ko dahil araw-araw na lang ay may nagpapadala ng pagkain sa akin. Nanghihinayang kasi ako dahil hindi ko naman nauubos lahat.
“Bakit, Ate?”
“Tawagan mo nga siya. Sabihin mo sa kaniya tumigil na sa kapapadala sa akin ng pagkain dahil nasasayang lang naman.”
“‘Yon lang ba?”
“Oo.”
“Hindi ko ba sasabihin na namimiss mo siya?”
“Hindi.”
“Weh?”
“Basta ‘yon lang ang sabihin mo. Yari ka sa akin kapag may sinabi ka pang iba sa lalaking 'yon.”
“Sasabihin ko lang naman na miss mo na siya tapos tulala ka minsan habang nakahawak ka sa tiyan mo dahil iniisip mo kung ano ang ginagawa ng tatay ng anak mo.”
“Walang ganoon.”
“Wala raw! ‘Wag nga ako, Ate!”
“Wala naman talagang ganoon.”
“Wala raw. Ang hilig mong mag-deny kahit halatang-ha
