Masasabi ni Andy na wala nang papantay sa saya na nadarama niya sa bawat pag-ikot ng mundo. Pakiramdam niya, siya na ang pinakamaswerteng babae sa balat ng lupa dahil araw-araw niyang kapiling ang taong mahal siya at mahal niya.
Ngunit, akala niya habang buhay na niyang mararanasan iyon. Hindi pala dahil ang unti-unting pagbabago ni Clyde ay muli niyang naramdaman.
"Asan na si Clyde? Ba't wala pa siya?" tanong ni Dani nang hindi pa rin dumarating si Clyde.
"May pupuntahan daw siya, importante lang," sagot naman ni Andy.
"Gaano ba ka-importante 'yon ba't hindi ka lang man niya magawang ihatid muna?" tanong naman ni Nico.
"Importante nga, di ba? Napaka-importante kaya nagawa niyang baliwalain uli ang asawa niya," singit naman ni Rex.
Napatingin silang lahat sa sinabi ni Rex at napayuk
