By Michael Juhagetmybox@hotmail.com
fb: Michael Juha Full
---------------------------------
Maaliwalas ang panahon at kung titingnan sa itaas ay may pagkamaulap ang himpapawid. Lampas alas 5:30 na iyon ng hapon at dahil palubog na ang araw, halos kulay-dugo ang kalangitan. May kalamigan ang simoy ng manaka-nakang pagbugso ng hangin. Matiwasay at napakatahimik ng paligid. Halos walang katapusan ang kahabaan ng lupain na tinatakpan ng mala-carpet na mga d**o na perpektong pantay ang pagkatabas. Sa ibabaw naman nito ay nakahilera ang hindi mabilang-bilang na mga puting krus na nakausli at uniporme ang layo sa isa’t-isa.
Kapaparada ko lang ng aking sasakyan at kasalukuyang naglakad ako patungo sa mausoleum ng aking Mama Nella. Maaga kasing dumating ang eroplano at alas 2:00 pa lang
