"Oh my god! Nabalitaan niyo na ba?" Singhap ni Jennylyn habang nanlalaki ang mata na nakatingin sa mga kasama.
"Ang alin?" aktibong pakiki usisa naman ni Grace.
"May binugbog na naman daw si Bryson!"
Mula sa pagtingin sa maliit na salamin at pagli-lipstick ay agad na napalingon sa kaniya si Helyn. "Hala? Totoo? Akala ko ba tumigil na siya?"
"Oo nga. Ilang buwan na siyang tumigil sa pakikipag-basag ulo. Bakit kaya bigla na lang siyang bumalik sa pakikipag-away?" nagtatakang tanong ni Grace.
"Nakapagtataka nga rin eh," segunda ni Lara.
"Napansin ko rin na this past few days ay mainit ang ulo niya. Dati cold at sobrang seryoso niya, ngayon naman ay halos mas dumoble pa ang kaseryosohan niya. Kulang na lang ay bugbugin niya ang bawat taong madadaanan niya. Kaya nga halos lahat ng estud
