Nang matapos ang kainan at ang ilang serye ng tawanan, tumayo si Zigmund sa gitna ng entablado. May dala siyang pilyong ngiti habang hawak ang mikropono. Lumingon siya kina Marcelito at Iridessa na noon ay magkahawak-kamay na nakaupo sa main table.
"Tito Marcelito, Auntie Iridessa... alam kong marami na tayong drama ngayong gabi," panimula ni Zigmund, dahilan para magtawanan ang mga bisita.
"Pero hindi pwedeng matapos ang gabing ito nang hindi natin niyanig ang langit ng Tagaytay. Sabi nga nila, kapag may bagong reyna, dapat may pa-welkom na hindi malilimutan."
Inilabas ni Zigmund ang kanyang cellphone at may pinindot na button. "In three... two... one!"
Biglang bumukas ang malalaking pinto ng reception hall na nakaharap sa garden. Sabay-sabay na naglakad palabas ang mga bisita, kabila
