Nasabi niyang baka mahulog ako dahil may kabilisan ang pagpapatakbo niya sa kabayo kahit paibaba ng bundok. Hindi ko malaman kung sinasadya niya ba iyon o nagmamadali lang siya. Kumapit nga ako sa kaniyang tiyan nang hindi ako dumulas sa kabayo. Ang dibdib ko ay kumiskis sa kaniyang matigas na likod. Itong si Oslo naman ay mukhang sanay na sanay sa klase ng lupang mayroon ang bundok. Hindi man lang ito nahirapan kahit na madulas at mabato. Ako ay napapatingala na lamang sa paglipad ng mga ibon mula sa mga punong nalampasan namin. Sa aking mukha ay tumatama ang maagang sinag na lumusot sa mga dahon.
Hindi rin nagtagal nakarating kami sa paanan ng bundok kung saan makikita na ang silangang pader ng palasyo. Balak ko na sanang magsalita na hindi ko naituloy nang mabilis namang pinatakbo ni H
