"Saan ba iyon? Ang dami kayang kulungan dito?" ang dinig ko namang reklamo ni Ruso.
"Isa-isahin natin," ani naman ni Maware.
Lumampas pa nga ang mga ito sa akin at umatras nang mapagtanto nila ang bagay na iyon. Ang unang pumuna sa akin ay ang lalaki.
"Sabi ko na nga ba na walang maidudulot na maganda ang pagtungo mo rito. Gumulo na rito mula nang dumating ka," ang sabi ni Ruso sa pagpuwesto nila ni Maware sa labas ng kulungan. Pinakatitigan lamang ako nito na may nakakababang tingin. Pinalusot ko lang sa dalawang tainga ang sinabi nito dahil tama rin naman ito. "Balita ko ay sinubukan mong patayin sina Nip. Tinuluyan mo na sana."
Sumama ang tingin ko rito dahil sa huling nasabi nito. Iyon marahil ang mga nadinig nito na malayo naman sa tunay na nangyari.
Napasigaw si Ruso nang hamp
