Sa sandaling iyon panandaliang tumigil ang aking paghinga. Hindi ako nakasigaw sa pagtakas ng tinig sa aking mga bibig. Naramdaman ko lamang ang pag-akyat ng galit sa aking ulo, pumintig-pintig ang ugat sa aking sentido sa takbo ng dugo roon. Sumagi pa nga sa akin na pakawalan ang aking kakayahan ngunit binalewala ko rin ang ideyang iyon dahil mawawalan na naman ako ng kontrol at inalala ko ang mag-ama, hindi magandang mahagip sila niyon.
Ang pagtawa ng lider ay tunay ngang nakakaasar sapagkat pumapalatak iyon at hindi ito tumitigil. Ginawa nitong sugatan ang mag-ama na labis na ikinatuwa ng kalooban nito.
Hindi ko rin naman inaksaya ang pagkakataon dahil maari ko pang mailigtas ang mag-ama sa bingit ng kamatayan.
Pinakatitigan ko ang sisidlan na nagsisilbing kulungan ni Episo, hindi
