Matapos ng tagpo sa kusina'y nagtungo kami sa dako ng kabisera kung saan mas nagmumula ang pinakamalakas na ingay. Sa kahabaan ng daan roon ay nagkalat ang mga tao na tumatalon-talon sa indak ng tambol at pluta. Sa aming uluhan naman ay nagsasayaw ang makukulay na pabitin sa hangin. Mayroon pa nga akong nakitang entablado na wala pang mga nagtatanghal sa tabi bago ang hanay ng mga tulda ng nagtitinda. Nagsumiksik sa tainga ko ang kasiyahan na iyon sa aming paligid na tila hindi magtatapos kahit sumapit pa ang gabi.
Nagtuloy-tuloy kami ng lakad ni Hamish hanggang sa makarating sa mga tindahan na umiiwas sa mga sumasayaw. Hindi na mapirmi ang aking mga mata sa isang direksiyon dahil lingon ako nang lingon. Binalak ko sanang lumapit sa unang tulda ng tindahan kaya lang pinigilan ako ni Hamis
