Hindi ko alam kung ilang minuto na ba ang nakalipas at nananatili pa din akong nakakulong sa loob ng comfort room na ito. Patuloy sa paglalandas ang mga luha ko habang pilit kong ginagalaw ang paa ko. Pero napapainda lang ako sa bawat pagkirot na dulot no’n. Bukod sa madilim ang paligid ay sinimulan na din akong mangati dahil sa mga kagat ng lamok. Napakamalas kong itinuturing ang sarili ko nang biglang may marinig akong kung anong ingay mula sa labas.
Kumabog ang dibdib ko sa sunod-sunod at malalakas na ingay na iyon sa may pintuan ng comfort room sa labas, hanggang sa napapikit ako dahil sa biglaang pagliwanang na bumungad sa akin doon.
“Myrtle!” Kumislot ang puso ko nang marinig ko ang pamilyar na boses na iyon at nang mag-angat ako ng tingin ay nakita ko si Ridge sa may pintuan na ta
