“Anak, sigurado ka bang wala ka nang naiwan?” tanong sa akin ni Nanay habang nagmamadali ako sa pagsusuot ng sapatos ko.
“Wala na po, Nay,” tugon ko at nang matapos ako sa ginagawa ay mabilis ko nang sinukbit sa akin ang bag ko at hinila ang maliit na maletang dala ko. “Aalis na po ako. Baka maiwanan na po ako ng service namin,” paalam ko kay Nanay.
“O sige, Anak! Mag-iingat ka doon at tawagan mo ako agad kapag nasa byahe ka na, okay?” bilin ni Nanay saka niya ako hinagkan. Tumango ako sa kanya bilang pagtugon at pagkuwan ay mabilis na akong lumabas ng bahay.
Mabuti na lang at nakasakay ako kaagad patungo sa school. At pagkadating ko sa tapat ng school ay mabilis akong tumakbo papasok sa loob. Nakita ko naman ang ilang mga bus na siyang service namin para sa school camping namin na umaa
