Tila lumilipad ang isip ko habang patuloy na humahakbang ang mga paa ko hanggang sa nagulat ako nang may isang aso ang tumahol sa akin. Doon lamang ako nagbalik sa aking tamang isipan at namalayan ko na lamang na nakalagpas na pala ako sa tapat ng bahay namin. Napakamot ako sa aking ulo saka naglakad pabalik at patungo sa tapat ng bahay namin. Paulit-ulit ko na kasing inisip ‘yong mga sinabi ni Mr. Odin sa akin kanina. Hindi na iyon naalis pa sa isipan ko hanggang sa natapos na ang lahat ng klase ko at nag-uwian na nga kami. Hindi ko alam kung ano ang dahilan at hindi na iyon naalis pa sa isipan ko. Bukod doon ay iyon din kasi ang kauna-unahang pagkakataon na may nagsabi ng mga ganoong salita sa akin. Studious, funny, and that statement that I could make someone happy is kakaiba talaga sa
