DALAWANG ARAW din ang inilagi ni Thisa sa Hospital, bago siya iniuwi sa bahay. Normal itong nanganak, kaya agad rin silang na-discharged sa Hospital. Pagdating nila sa mansion ay nagulat si Thisa, dahil mayroon palang naghihintay na pa-Welcome Home sa kanilang mag-iina.
"Welcome Home Baby Theodore and Matthew!" malakas na sigaw ni Lib, saka inihipan ang kanyang pito.
Naroon din ang boong pamilya ni Thisa, at mga kaibigan kaya punong-puno ang malawak na living area ng kanyang mansion. Naroon din sina Ella at Kany Toleza na kanyang mga matalik na kaibigan sa New York. Naroon din si Bruce, isinama ito ni Aaron Go, pabalik ng Pilipinas, dahil natapos na nito ang unang training nito. May isang buwan itong magpapahinga, bago muling bumalik sa kanyang huling bahagi ng Training na mas mahirap
