"Layla, salamat ha? Sinamahan mo ko." Sandali akong ngumiti kay Layla na ngayon ay nakayakap sa braso ko.
"Okay lang 'yon, Beshy Boss."
"Lisa na lang kako kapag nasa labas tayo."
"Okay, Lisa." Tinawanan niya ko pagkabigkas niya sa pangalan ko. "Pero bakit ba kasi pumayag ka pang makipagkita sa Kassandra na 'yan?"
"Para maka-move on," simple kong sagot.
Pagdating namin sa restaurant, pinaupo ko siya sa hindi kalayuang pwesto. Nagpasama lang ako sa kanya para mawala 'yung kaba ko pero ayokong makita rin siya ni Kassandra. Nilibre ko siya ng makakain at maiinom habang pareho kaming naghihintay.
Mostrahan kami nang mostrahan at huminto lang nang dumating na nga si Kassandra.
Nagseryoso ko kasabay ng pagmostra sa kanya ng pag-upo sa katapat kong pwesto. "Nag-order na ko. Anong gusto mo?"
