Nag iigting ang panga ni Davis kasabay ng pangangalit ng kan'yang mga ngipin habang galit siyang nakatingin sa mga armadong lalaki. Ngunit walang takot ang naramdaman ng anim na lalaki. Matapang pa sila dahil sa may hawak silang mga baril.
"Hon huminahon ka," nginig na sabi ni Safhira dahil sa takot ng kan'yang nararamdaman. Hinawakan niya ang braso ni Davis upang pakalmahin dahil sa galit nitong mas magaling pa ang mga armadong lalaki kaysa sa kan'ya.
"Iturok mo na ang gamot sa kan'ya bago kami umalis," utos na galit na lalaking may hawak na baril na nakatutok kay Ysabelle.
Napailing si Ysa nang papalapit na sa kan'ya si Safhira ngunit napahinto ito dahil sa dumadaing na naman sa sakit si Davis.
"Ang tapang mo naman babae ka. Mag isa ka lang dito. Pa'no mo kami makakayang labanan kung
