PINUNASAN ko ang mga luha nang pumasok ang isang nurse. Bahagya akong lumayo kay sir Jave para pagbigyan ng espasyo ang nurse. Dinampot ko ang tubig na nasa ibabaw ng mesa. Matindi ang paninikip ng dibdib ko at parang hindi na ako makahinga.
"Miss, pagkatapos ko rito ay sumama ka sa akin sa aming station."
"Okay, nurse!"
Sanay na ako sa gano’n dahil dati na akong nagbantay sa kanya kaya alam ko na ang mga tungkulin ko kapag wala sina Mama.
Sandali kong iniwan si sir Jave nang pinasunod ako ng nurse sa kanilang station para lagdaan ang kanilang list of patients. Umuwi na kasi sila ni Mama matapos makausap ang doctor para kumuha ng mga gamit ni sir Jave. Uuwi rin ako kapag nakarating sila para kumuha run ng iba kong gamit. Paniguradong magtatagal na naman kami sa hospital gayong kai
