NAGPATULOY ang mag-asawa na hinanap ang nawawalang anak. Nang makita nila ang cctv record ay doon lamang nila napagtanto na may dahilan ang anak sa paglabas ng hospital.
Kilala nila kung anong klaseng pagkatao si Jave, kaya naman hinanap nila ito sa mga kakilala at kaibigan. Ang iniiwasan lamang nila ay ang himatayin itong muli sa daan na walang makakakita at tuluyang mawala ang anak sa kanila.
NAUNA na akong umuwi ng magpasya sina Mama at Papa na doon na lang ako maghintay kay sir Jave. Kahit nagagalit si Mama sa akin dahil hindi ko nabantayan ang anak na lumabas pala ito ng hospital na hindi ko alam. Kung hindi pa nakita ang cctv record ay hindi namin alam na nakalabas na pala ito. Ngunit saan kaya ang punta niya? Bakit kailangan niyang umalis na hindi nagpapaalam sa akin o kahit kan
