Kaifier
"Bakit 'di mo sinabi sa akin na anak mo si Krauna?!" Galit kong sigaw saka malakas na ibinagsak ang kamay sa lamesa. Hindi ko alam kung ano ang mararamdaman ko. Bakit itinago ni Athera ang gano'ng bagay sa akin, sa amin. Sa ilang taon naming pagsasama hindi ko akalain na may itinatago rin pala siyang lihim.
Humihikbi naman na tumingin sa akin si Athera hawak ang bangkay ni Krauna. Puno ng paghihinagpis ang kanyang mga mata, iyak pa rin siya nang iyak dahil sa pagkamatay ni Krauna.
"Itinago ko sa lahat at tanging si Victoria lang ang nakakaalam. Nang panahong namatay ang asawa ko ay nalagay sa alanganin ang buhay ko at delikado ang lagay ng aking pagbubuntis. Si Victoria ang tumulong sa akin, siya ang nagbigay lakas sa akin at nagbigay ng pag-asa. Ginawa niya akong bampira kapali
