Zafiyro Castle
Napatalon kaming lahat sa gulat nang galit na itinapon ni Rethxia ang gamit nito saka sinakal si Arnada. Si Arnada ang isa sa may pinakamataas na ranggo sa aming hukbo, siya'y anak ng isang beta na nasa ilalim ng pamumuno ni Rethxia.
"Anong sabi mo?! Hindi niyo nasira ang kastilyo ng mga Valzuela? Bakit? Pinagplanuhan ko ng maigi ito, binuhay ko pa si Elixia tapos babalik kayo rito at ibabalita ang kapalpakan niyo?!" Halos pumutok na ang kanyang litid dahil sa pagsigaw, namumula rin ang kanyang tenga sa galit habang hinihigpitan ang pagkakasakal sa leeg ni Arnada.
"Hindi namin siya kaya," sagot ni Arnada rito at pilit na inaalis ang kamay ni Rethxia na nakasakal sa kanyang leeg, pero dahil sa sagot nito ay tumilapon ito sa sahig.
"Sinong siya? Alam ko na hindi kaya ng k
