[Storm]
Tatlong araw pa lamang sina Miggue at Kiel sa San Luis pero nakilala na yata lahat ni Miggue ang angkan ng binata. Halos kilala na rin siya ng mga ito. Magiliw ang mga matatandang auntie at uncle ni Kiel, patunay na lumaki ang binata sa masayang pamilya. Kaya nga hindi niya akalain na magkakaganoon si Uriel dahil sa kaniya. Mababait ang mga Robertson, hindi na kataka-taka na kilala sa San Luis ang mga ito.
Pasado alas nuebe na ng gabi nang mga oras na iyon kaya nagtataka si Miggue kung nasaan si Kiel, hindi rin kasi ito nagpaalam sa kaniya kung nasaan ito ngayon, basta ang narinig niya kanina, aalis muna ito para kumuha ng buko. Napagpasyahan kasi nilang bukas ng umaga ay magbu-buko salad sila kaya hapon pa lang ay nagpakuha na siya ng mga buko sa mga trabahador nila doon sa Sa
