Napatitig ako sa kaniya. Nakatulala lamang si Emma sa kaharap niyang malinis na plato. Pinuntahan ko siya sa kanilang mansiyon upang sunduin at matulog sana rito sa aming pamamahay ngayong gabi ngunit tinanggihan niya ako. Gusto niya lang daw akong makausap nang masinsinan kaya siya tumawag sa akin kanina.
Kinuha ko ang kutsilyo at tinidor na nasa tabi ng aking plato saka inabot ang karne. Maingat ko itong hinati saka nilagyan ang kaniyang plato dahilan nang kaniyang pagtingin sa akin.
Mabilis kong hinuli ang kaniyang asul na mata. Kanina pa ako nakikiramdam sa kaniya. Kanina ko pa rin pinapanood ang maliliit niyang kilos.
Hindi niya man sabihin ngunit sinisigaw na ng kaniyang mga mata na malungkot siya. Para bang may bumabagabag sa kaniyang damdamin. Gusto ko mang magtanong tungkol
